حطيت كاميرا مراقبة لزوجتي
واتصدمت لما شوفتها بتعمل….. وقبل ما نبدأ حكايتنا اعرفكم على بطلنا اللي اسمه علي عنده 30 سنة لسه بيدور علي عروسة وفي يوم امه قالت له اسمع ياعلي انت يابني لازم تتجوز بقا انا نفسي افرح بيك ياحبيبي ماهو الصراحة مش كل ما جيب لك واحده ترفضها على
يا أمي أنا مش عايز اتجوز دلوقتي انا لسه عايز اكون نفسي وبعدين انتي عارفه اني لسه متعين جديد في الشركة ولسه مستقرتش
الام
لا بقا ياعلي انت كده بتستهبل يابني لا لا ماينفعش كده وبعدين انت شغاله في شركة محترمة وقبضك كويس يعني تعرف تفتح بيت وتعيش كويس انت واللي هتتجوزها
على
خلاص يا أمي ابقي انتي بس شوفي لي العروسة المناسبة وانا هتقدم لها بس تكون على ضمانتك انتي عشان منرجعش نزعل من بعض بس
الام
ربنا مايجيب زعل يابني ان شاء الله انا بقا شايفه لك عروسة انما ايه بنت ادب وأخلاق وكمال مفيش بعد كده انت بس ياحبيبي تروح معايا نخطبها وان شاء الله هتعجبك اوي
على
خلاص يا أمي طالما انتي شايفها كده يبقا خلاص انا مصدقك ياحبيبتي
الام
ماشي يا حبيبي احنا بقا نروح ان شاء الله يوم الجمعة ونطلب ايديها من ابوها ومن أهلها ونقرا الفاتحة كمان ايه رايك
على
ماشي يا حبيبتي اللي تشوفيه انا رايح بقا شغلي مش عايزة مني حاجة
ومشي على راح علي شغله وهناك قابل اسامة صاحبة وقاله
اهلا ياعلي ايه يابني هو مفيش مره تيجي فيها بدري شويه ااه ما انت لو كنت متجوز واحده تصحيك الصبح مكنتش تيجي متأخر كده
على
ياعم هو انت وامي عليا انا اسيب امي في البيت واجي هنا الاقيك وبعدين اديني اروح اخطب اهو عشان متتكلمش تاني
أسامة
ايه ده بجد اكيد طبعا الست الوالده هي اللي مختارة العروسة مش كده برضو ولا ايه
على
ايوه طبعا هي وهو انا يعني هعرف اكتر من امي امي هي اللي تقول على فلانة دي كويسه او لا ماهي تعرف ناس كتير بقا
أسامة
يلا يامعلم ربنا يوفقك مع اني انا كنت شايف لك عروسة هي زميلة معانا لسه جايه بتشتغل معانا جديد واكيد انت عارفها
على
ودي مين دي يامعلم وبعدين مقولتش عليها من بدري ليه بقا ياسطا خلاص اللي سبق بقا امي شافت العروسة وتقريبا كده ربطت مع أهلها
أسامة
خلاص بقا طالما الحاجة اختارت يبقا خلاص مقدرش نقول للحاجة لا بقا على العموم مبارك مقدما ياحبيبي والله فرحت لك ياعلي
على
تسلم ياحبيبي على العموم انا خلصت شغل وهرجع البيت بقا يلا سلام
ورجع على البيت ولقي امه كانت قاعده معاها واحده ست وعلى قال
سلام عليكم ورحمة الله وبركاته ازيك يا أمي احنا عندنا ضيوف ولا ايه
الام
اه ياعلي يا حبيبي تعالي سلم على الحاجة ام أسماء اللي احنا رايحين عندهم الاسبوع
على بفرحة
يا اهلا وسهلا بحضرتك يا ست الكل نورتينا والله يا مرحب بيكي
ام أسماء
ربنا يخليك يابني تسلم يارب والله الحاجة لما قالت لنا عنك انا وافقت علطول هو انا يعني هلاقي واحد محترم لابنتي زيك فين يابني
على
متشكر اوي ياست الكل والله ده من زوق حضرتك ربنا يعزك يارب طيب يا أمي هو انتي مقدمتيش حاجة ليه
الام
ما انت عارف ياحبيبي انا مش بقدر أقف ياعلي ادخل انت بقا اعملنا اتنين عصير
علي
من عنيا الاتنين خليكي انتي مرتاحة ياست الكل
ودخل على المطبخ وام اسماء قالت لأمه
مشاء الله عليه يا ست ام علي مؤدب وأخلاق ربنا يحفظهولك يارب وتشيلي عياله يارب
الام
يارب يا ام أسماء نفرح بيه هو وأسماء بنتك كده عن قريب ان شاء الله يارب
وبعدها عدي الوقت ومشيت ام أسماء وعلى قالها
هي دي بقا اللي هتبقا حماتي يا أمي والله باين عليها ست طيبة اوي
الام.
اومال يا حبيبي دي ست مفيش منها ولا بنتها يا على مشاء الله عليها مفيش بعد كده انا خلاص اتفقت معاها على يوم الجمعة زي ما قولت لك ماشي
على
ماشي يا حبيبتي اللي تشوفيه ربنا يسهلها من عنده يارب ان شاء الله
وعدي كام يوم وجه اليوم اللي على هيروح يخطب اسماء وراح هو وامه وقالت لهم
ها قولت ايه يا حج سامي احنا قولنا لك على كل حاجة تخص على ابني لو في اي طلبات احنا تحت امركم
سامي
والله ياست ام علي احنا خلاص اتفقنا على كده واحنا بشتري راجل والأستاذ على واضح انه راجل بجد والله وهو ده اللي انا عايزة في جوز بنتي ان الاقي لها واحد يصونها ويحافظ عليها
على
يعني كده ياعمي نتوكل على الله ونقرا الفاتحة
وفعلا قروا الفاتحة وعلى قعد مع أسماء واتكلمو في كل حاجة وبعدها اتخطبو وعلى قال لاسماء
اظن بقا دلوقتي احنا بقينا مخطوبين يعني المفروض اخد رقم تليفونك عشان اكلمك ونتكلم ولما ارجع من شغلي بالليل اتصل بيكي
اسماء
لا لا انت تكلمني بالنهار انما بالليل لا مش هينفع نتكلم بالليل خالص انا مش هعرف اكلمك بالليل
على
طيب ليه بقا اسماء هو مش احنا مخطوبين ماهو اصلا كل المخطوبين بيتكلمو بالليل وبعدين انا بالنهار هكون في الشغل هكلمك ازاى
اسماء
معرفش يا علي بس انا اللي اعرفه اني بالليل مش هعرف اكلمك لو سمحت بلاش بالليل ارجوك يعني
على
خلاص ياستي انا مش هتكلم معاكي بالليل بس على العموم انا قربت اخلص شقتي عشان انا كنت متفق مع عمي سامي اني اخلص الشقه ونتجوز علطول انا وانتي
اسماء
طيب وانت مستعجل ليه ياعلي ما احنا ممكن نستنا شويه يعني منستعجلش كده انا لسه عايزة استني شوية
على
لا لا يا اسماء انا الصراحة مش قادر اصبر انا شاب برضو وعايز اتجوز بسرعه وكده ماشي ان شاء الله اول لما اخلص الشقه هخلي عمي يخلص ونكتب الكتاب ونتجوز علطول ماشي
اسماء
ربنا يسهل ياعلي اللي تشوفه بس يعني برضو اديني فرصه اتعود عليك واخد عليك اكتر من كده يعني
على
ياستي لما تبقي مراتي ابقي خودي عليا زي ما انتي عايزة وبعدين انا ببقا عايز اسهر معاكي يا اسماء واتكلم معاكي بالليل انتي ليه مش بترضي تخليني اكلمك بالليل
اسماء بتوتر
لا لا بلاش بالليل ده قولت قبل كده بالليل ده لا وبعدين انا بنام بدري عشان كده مش هعرف اتكلم معاك وكده وبعدين احنا بنتكلم بالنهار خلينا كده بالنهار احسن بلاش بالليل
على
خلاص يا اسماء متزعليش بلاش بالليل
وعدت الايام وبدوا في تجهيزات الفرح والشقه بتاعت على خلصت وقال لهم
انا بقول ياعمي احنا نكتب الكتاب الخميس الجاي ان شاء الله والخميس اللي بعده نكتب الكتاب قولت ايه
سامي
والله يابني انا معنديش مانع ابدا وبعدين انت جهزت نفسك واحنا كمان جهزنا نفسنا يبقا خلاص خير البر عاجله هنستنا ايه تاااني انا موافق يا علي
وبعدها عملنا الفرح ودخلت شقتي انا وأسماء وقالت لي
معلش ياعلي انا عايزة انام لوحدي اصل انا يعني لسه ماخدتش عليك وكده احنا اتجوزنا علطول وملحقناش نعرف بعض اكتر
على
يعني افهم من كده انك لسه مكسوفه مني يا اسماء على العموم انا مش هغصبك على حاجة ابدا واللي انتي عايزاه انا هعمله
اسماء
شكرا يا علي علي العموم انا كمان هعملك اللي انت عايزة بس لما ناخد على بعض
على.
طيب واحنا يا اسماء هناحةخد على بعض ازاى واحنا كل واحد فينا بينام في اوضة لوحده اظن يا اسماء عشان ناخد على بعض لازم نكون مع بعض ولا ايه
لا ياعلي خلينا كل واحد في اوضة احسن دلوقتي وبعدين لما اكون مستعده انا هاقولك
وبعدها فعلا على نفذ لها اللي هي عايزاه ونام في اوضة الأطفال وهي نامت في اوضة النوم بتاعتهم
وبعد نص الليل على سمع صوت همس خارج من اوضة اسماء زي مايكون حد بيتكلم في الاوضة وقال لنفسه ايه الصوت اللي جوه ده هي معاها حد ولا ايه ولا هي بتعمل ايه بس انا سامع اصوات ناس جايه من جوه تكون بتكلم مين دي
وخبط عليها وأسماء من جوه قالت له
في حاجة يا علي انت عايز حاجة من هنا
على
لا مش عايز بس ممكن تفتحي لحظة يا اسماء بعد اذنك
وفتحت الباب بعد شوية وكان باين عليها التوتر وقالت له
نعم يا علي في حاجة انت عايز حاجة
على بص في الاوضة وقال لها
ااا لا يا اسماء مفيش بس هو انتي كنتي بتتكلمي في التليفون ولا ايه اصل سمعتك زي ما تكوني بتتكلمي مع حد كده
اسماء بتوتر
انا اااا لا لا خالص مش بتكلم مع حد وبعدين اصلا انا لسه مجبتش تليفوني من عند بابا انا كنت سبتة مع اختي الصغيرة وماخدتهوش
على
اومال ايه الأصوات اللي كنت سامعها جايه من الاوضة دي انا فعلا سمعت اصولت جايه من هنا هو في ايه يا اسماء
اسماء
مفيش حاجة يا علي انا لوحدي وكمان مش معايا تليفون هكون كنت بكلم مين يعني واصلا انا كنت بنام وانت صحتني من النوم روح نام يا علي روح انت شكلك مرهق اوي تصبح على خير
ودخلت على الاوضة وقفلت الباب وعلى قال لنفسه
يمكن انا فعلا اللي بيتهايلي ان في حد معاها احتمال جدا انا شكلي بخرف انا هاروح انام احسن
وعدت الليلة وتاني يوم الصبح امها راحت لها وقالت لها
ايه يا اسماء جوزك عامل معاكي ايه يابنتي يارب تكونو بخير كده طمنيني
اسماء.
ااا اطمن ياماما احنا بخير الحمد لله
الام
يعني كله تمام يا اسماء طمنيني ياحبيبتي انا عايزة اطمن عليكي ياقلب امك
اسماء
هو في ايه يا ماما وبعدين انا قولت لعلي يستنا عليا انا مكنتش مستعده لحاجة خالص امبارح فنمت لوحدي
الام
يلهوي نمتي لوحدك ازاى يابنتي هو انتي متجوزه عشان تنامي لوحده في ايه يا اسماء يابنتي ريحي قلبي
اسماء
مفيش حاجة ياماما انا بس لسه ماخدتش على على وكده وانا قولت له يستنى شوية
الام
طيب والجدع يقول عليكي ايه بقا يا اسماء يقول انك كارهاه لا يابنتي ميصحش كده ده جوزك وليه حق عليكي
اسماء
انا عارفه كل ده يا ماما بس انا قولت له كده اني مش مستعده وهو متكلمش بالعكس ده طلع متفاهم جدا يعني وخلاص
الام
ربنا يستر يابنت سامي لما اشوف اخرتها معاكي ايه
وبعدها تاني يوم اسماء عملت نفس الحكايه وعلى قالها.
.وبعدين يا اسماء هو احنا هنفضل كل يوم كده كل واحد فينا في اوضة انا مش عارف احنا كنا بنتجوز ليه بقا طالما انتي كارهاني كده ومش عايزاني
اسماء
والله الموضوع مش كده يا علي انا قولت لك كل الحكاية اني لسه مش متعوده عليك بس ارجوك افهمني يا علي ارجوك
على سبها ومشي من قدمها ودخل الاوضة بتاعتة وفي الليلة دي سمع اصوات في الصاله زي ما يكونو ناس بتتخانق وناس ماشية في الطرقه وشاف خيالات ماشية بره الاوضة شافهم من تحت الباب وقال لنفسه
بسم الله الرحمن الرحيم ده ايه ده هو احنا في ناس معانا في الشقه ولا ايه مين الناس اللي برة دي
وفتح الباب وخرج ملقاش اي حاجة خالص وسمع الأصوات جايه من اوضتة اسماء وراح بسرعه وفتح الباب وملقاش حد وأسماء نايمة وصحيت مخضوضة وقالت
ايه ده في ايه ياعلي انت زقيت الباب ليه خضتني على فكرة
على من كسفتة مبقاش عارف يقول لها ايه وبعدين قال
اااا معلش يا اسماء اصل انا اتخايلت اني شوفت فأر وتقريبا كده دخل الاوضة عندك فقولت لحسن انتي تخافي ولا حاجة
اسماء.
فأر ايه بس يا علي والفار ده هيدخل عندنا منين بس انت اكيد بيتهيالك حاجات غريبة
على
اااا ايوه فعلا انا شكلي كده بيتهيألي طيب انتي محستيش بحاجة يا اسماء يعني محستيش ان الفار في الشقه ولا حاجة
اسماء
لا لا خالص محستش بحاجة ولا شوفت حاجة وبعدين انا كنت نايمة زي ما انت شايف كده مشوفتش حاجة
على
ماشي يا اسماء تصبحي على خير
ورجع على الاوضة وقال لنفسه
هو في ايه يا علي هو انت اتجننت ولا ايه ياعم بطل بقا تفكير في الحاجات اللي في دماغك دي ونام واسكت
وبعدها كل ليلة يحصل نفس الحكاية وعلى يخرج من اوضتة ميلاقيش حاجة ابدا وفي ليله قال لاسماء
انا عايز اعرف بقا هو انا هحس اني زوج امتى يا اسماء هو احنا هنفضل كده لحد امتى ماهو لو في حاجة يابنت الناس عرفيني وفهميني في ايه لو في حد تاني في حياتك برضو عرفيني
اسماء
انا مفيش حد في حياتي يا علي وبلاش التفكير اللي في دماغك ده وبعدين انا تحت امرك يا علي وانا قدامك اهو لو عايزني انا جاهزة هسبقك على الاوضة
ودخلت اسماء ودخل معاها على وحصل واتجوزو بس على كان حاسس ان اسماء كانت بتغصب علي نفسها عشان ترضيه وبس لكن هو محبش يزعل نفسه وعدي الحكاية
وراح علي الشغل واسامة قاله
مالك يا عريس ايه يابني بقا عريس لسه متجوز بقاله اسبوعين وحالتة عامله كده ايه يابني شايل طاجن ستك ليه كده
على
مفيش يا اسامة انا كويس الحمد لله اطمن بس الجواز طلع ملوش اي لازمة خالص يعني
أسامة
الله الله في ايه يامعلم مالك كده انت مغمقها ليه بس اهدي كده ياعم ده الجواز جميل انت اللي شكلك غشيم ومش عارف تتعامل بس
على
يمكن يا اسامة الله اعلم العيب مني انا ولا من مين على العموم انا رايح اشوف شغلي
وسابه وراح شغله وفي البيت عند ام علي كانت قاعده معاها اسماء وقالت لها
هو على ملوش اخوات ياماما خالص ولا ايه هو وحيد
الحما
اه يا اسماء يابنتي على ابني وحيد انا مجبتش غيره هو ليه اخوات بس من ابوه أصله اتجوز واحده تانية وخلف منها بس على يا قلب امه عمره ماحب مرات ابوه اصلا بس بيود اخواتة حكم على ابني ده طيب وقلبه حنين اوي
اسماء
ايوه انا عارفه هو اصلا معاملته معايا بتدل على انه فعلا طيب وحنين
الحما
انا هدخل اخد دش عشان هصلي العصر هو انتي مش هتصلي ولا ايه يا اسماء
اسماء اتوترت وقالت
هاااا اااه اااه هصلي بس هطلع لحد فوق اعمل حاجة وبعدين ابقى اصلي روحي انتي صلى يا ياماما
الحما
طيب يابنتي ودخلت حماتها الحمام ولسه بتفتح الحنفيه ولقت نازل منها دم كتير وراحت مسرخة وقالت الحقوووني الحقوووني
اسماء طلعت على شقتها وعملت نفسها مش سامعه حاجة وزي ما تكون عارفه حماتها جرا لها ايه وفي الوقت وصل على ودخل عند امه وقال لها
في ايه يا أمي مالك انتي بتسرخي ليه كده ايه اللي حصل معاكي
الام بخوف
الحقني يا علي الحقني يا ابني الله هي اسماء راحت فين دي كانت قاعده معايا دلوقتي
على
اسماء انا دخلت مشوفتهاش اصلا
الام باستغراب
يبقا طلعت على فوق بس معقوله سمعتني بسرخ من الخوف سابتني وطلعت على فوق
على بشك
طيب هو ايه اللي حصل يا أمي وانتي كنتي بتسرخي ليه كده
الام
. اصل يا بني دخلت الحمام عشان اتوضا عشان اصلي العصر لقيت الحنفيه بتنزل دم انا شوفت المنظر فضلت اسرخ دي حتى اسماء جات وبصت عليا وانا بسرخ كنت بحسبها هتسالني في ايه مقلتهاش اهيه
على
طيب اهدي ياماما مفيش حاجة انتي اكيد كان بيتهايلك ولا حاجة معلش متزعليش على العموم انا طالع اشوف اسماء بتعمل ايه فوق واشوفها ازاى تسيبك كده وتطلع على فوق
وطلع على وجه يفتح الباب بالمفتاح الباب مش عايز يفتح حاول يفتح تاني مش عايز يتفتح خبط على الباب جامد لحد لما راحت اسماء تفتح وكان شكلها متوتر ووشها احمر اوي وقالت له
في ايه يا علي انت بتخبط كده ليه بس
على
ايه اللي في ايه يا اسماء انتي قافله الباب عليكي بالترباس ليه هو انتي كنتي نايمة ولا كنتي بتعملي ايه
اسماء بتوتر
اااا ااه انا كنت نايمة فعلا ياعلي وبعدين هو انت متصلتش ليه قبل ماتيجي
على
واتصل ليه وانا جاي بيتي هو انتي في حد معاكي هنا يا اسماء قولي لو في حد معاكي
اسماء بلعت ريقها وقالت له
حد حد مين ياعلي انا لوحدي اهو زي ما انت شايف هو في ايه ياعلي مالك بتتكلم معايا كده ليه
على
انا اللي في ايه يا اسماء ولا انتي اللي مالك وبعدين انتي ازاى كنتي نايمة وانتي لسه سايبه امي وطلعتي هنا
اسماء
انا منزلتش عند مامتك النهاردة اصلا هسيبها ازاى واطلع
على اتصدم وقال لها
ازاى يعني منزلتيش يا اسماء اومال مين اللي كانت مع امي تحت وبعدين سبتبها وطلعتي على هنا لما لاقتيها بتسرخ انتي ازاى كده
اسماء
انا منزلتش ياعلي صدقني منزلتش اصلا النهاردة خالص انا متأكده من الكلام اللي بقوله لك انا فعلا كنت نايمة لما انت جيت دلوقتي
في الوقت ده سكت على وفضل باصص لها وقال لها
ادخلي هاتي لي كوبايه مايه دخلت اسماء جوه المطبخ وعلى قال لنفسه
هو ايه اللي بيحصل ده يكونش البيت بتاعنا ده مسكون بس ازاي ما أنا عايش فيه انا وامي من يوم ما أنا اتولدت والبيت كده زي ماهو في حاجة غريبة بتحصل
جات اسماء بالمايه وقالت له
المايه ياعلي هو انت بتكلم نفسك ولا ايه في ايه مالك كده
على
لا لا مفيش حاجة ابدا انتي مش ملاحظة اي حاجة غريبة بتحصل هنا في البيت
اسماء
حاجة غريبة زي ايه انا عن نفسي مش ملاحظة اي حاجة غريبة ابدا انا مش عارفه انت بتتكلم عن ايه بالظبط
على
لا لا مافيش حاجة انا نازل اشوف امي عامله ايه
اسماء
طيب هي كانت بتسرخ ليه هي كانت في حاجة تعباها ولا ايه
على
لا ابدا مفيش حاجة انا نازل اطمن عليها
ونزل على عند امه اللي قالت له
هي مراتك طلعت ليه يا علي يابني هو في حاجة حصلت خلتها تطلع ولا يمكن خافت بقا ولا حاجة اكيد خافت
على
يمكن يا ماما المهم انتي ياحبيبتي ارتاحي مفيش حاجة تخافي منها ان شاء الله
الام
والله ياعلي انا عايشة طول عمري في البيت ده لوحدي عمري ما خوفن من حاجة اهو ايام بتعدي وخلاص من عمري ياعالم زي اليومين دول هكونمعاكم ولا لا
على
ربنا يديكي الصحة والعافية وطولت العمر ياست الكل يلا انا طالع اكل لقمة واريح بقا شوية انتي مش عايزة حاجة
الام
انا عايزاك طيب يا حبيبي بقولك ايه ياعلي ابقي عدي على اخواتك ياحبيبي دول اكيد محتاجين لك انت عارف انهم صغيرين ياعلي
على
والله انا عمري ما شوفت في طيبة وحنية قلبك دي يا ماما حاضر ياست الكل انا هبقا اعدي عليهم ده عشان خاطرك انتي بس لكن انتي عارفاني مش بحب اروح هناك بسبب مرات ابويا
الام
معلش يا علي اهم حاجة اخواتك يابني ربنا يكرمك
وطلع على لشقتة ودخل نام وحلم ان في واحد مع مراتة وشكلة ضخم اوي وبشع راح عنده عشان يبعده عنها ويتخانق معاه بس مكنش قادر عليه وفضل على يقول ابعد عنها ابعد عنها انت مين انت ازاى تقرب من مراتي ابعد عن مراتى انت مين
في الوقت اسماء كانت بتصحية وبتقوله
يا علي ياعلي اصحى ياعلي مالك في ايه انت بتحلم بكابوس اصحى ياعلي
فاق على وقال
اعوزو بالله من الشيطان الرجيم اعوزو بالله من الشيطان الرجيم وبص لاسماء وقال لها
انتي مين اللي كان معاكي في السرير ده مين انطقي
اسماء
مين ايه يا علي فوق انا كنت بتحلم انا مفيش حد معايا غيرك انت ايه اللي بيحصل لك ده مالك كده قولي لو تعبان تروح لدكتور
على
انا كويس انا بس بقيت بشوف كوابيس هي دي اللي عامله فيا كده انا مش عارف انا بقالي فترة تعبان كده ومش عارف في ايه
اسماء
خلاص يبقا تروح لدكتور نفسي وهو يشوف حالتك دي ايه ويقولك على على العلاج
على
انا لسه متجننتش يا اسماء ماشي انا زي الفل بس هو تقريبا كده شوية إرهاق مش اكتر من كده
اسماء
طيب تحب اعملك حاجك تشربها
على
لا متشكر انا مش عايز حاجة انا هنام
ورجع على عشان ينام معرفش طبعا وفضل صاحي للصبح وهو اصلا شاكك في اسماء وانها بتعمل حاجة مش مظبوطة وجات له فكرة وتاني يوم في الشغل قال لأسامة
بقولك ايه يا اسامة متعرفش حد يكون عند كاميرات مراقبة انا كنت عايزة كاميرا
أسامة باستغراب
عايز كاميرا ليه ياعلي وهتحطها فين الكاميرا دي
على بتوتر
ااا ااه عايزاها عشان احطها قدام البيت عندنا انت عارف امي ومراتي بيبقو لوحدهم في البيت وببفا قلقان عليهم وكده
أسامة
تمام انا هبعتك لواحد هيظبطك في اسعار الكاميرات اللي انت عايزاها خود العنوان اهو
وفعلا راح علي للراجل واشتري منه كاميرا مراقبة وعرف منه طريقة تركيبها وتوصيلها بالفون بتاعه
ورجع البيت وقال لاسماء
انا كنت عايزك تنزلي عند امي يعني عشان تعملي معاها حاجة
اسماء
طيب يعني لازم انزل دلوقتي يا علي
على
اه ياريت انزلي وانا هريح شوية لاني راجع مصدع من الشغل
وطبعا كان عايزها تنزل عشان هو يركب الكاميرا في اوضتة النوم
وفعلا نزلت اسماء تحت وعلى دخل اوضتة النوم وفضل يدور على مكان مداري عشان يحط الكاميرا
وتاني يوم وهو في الشغل فتح الفون بتاعه واتصدم لما شاف اسماء قالعه هدومها كلها وهي على السرير وزي ما يكون حد معاها في السرير جري على البيت وواجه اسماء اللي انهارت وقالت له
انا مكنتش عارفه اقولك الحكاية دي ياعلي صدقني ده غصب عني والله انا عليا جن عاشق ولازم اخلي يقرب مني غصب عني لاني لو رفض هيق*لني ويخلص عليا
على بصدمة
وانتي ازاى متقوليش ليا على حاجة زي دي يا اسماء طيب ابوكي وامك عارفين ولا مستغفلاهم هما كمان ولا ايه بالظبط
اسماء بتعيط
ايوه يا علي يعرفو بس طبعا مكنش ينفع انهم يعرفوك بحاجة زي دي ويقولو لك على اللي بيحصل مكنش ينفع ياعلي
على
يعني كان لازم افضل مغفل انا عشان انتي تتجوزيني واشوف منك اللي شوفتة ده والله ياعيب الشوم عليكم انا مش عارف اقولك ايه والله
اسماء
سامحني يا علي انا والله كل ده غصب عني صدقني يا علي انت عارف انا مكنتش بقدر اخليك تقرب مني بسببه هو اللي كان منعني عنك وهو اللي مكنش بيرضي يخليك تقرب مني
على
استغفر الله العظيم لا حول ولا قوة الا بالله ازاى اللي انا بسمعة ده ازاى انا مش قادر استوعب طيب انا لما جيت اتجوزتك انتي كنتي بنت ازاى الحكايه دي
اسماء
ماهو لما بيكون معايا مش بيحصل وانا ابقى مش بنت لا بفضل زي ما انا لحد لما اتجوز راجل بجد
على
ياحلاوة اسمع يابنت الناس انا مش عايز اكمل معاكي احنا لازم لحد هنا وكفايه يا اسماء انا مش هينفع اكمل حياتي معاكي
اسماء
هتتخلي عني يا علي خلاص اللي تشوفه اعمله وانا مش هقدر الومك على حاجك بس ساعدني وهات لي شيخ
على
خلاص ماشي يا اسماء انا هساعدك واجيب لك شيخ في بيت ابوكي
وفعلا على طلق اسماء بس وصي واحد شيخ انه يروح لها كل يوم عشان تتعالج
وبعدها على عاش لوحده ومستني يلاقي بنت الحلال اللي يكمل معاها عمره
وبكده تكون خلصت حكايتنا
