مراتي
مي
اتفضل خود المبلغ ده اللي معايا دلوقتي لاني مش معقوله يعني هشيل مبالغ في البيت
سامح
خلاص يا حبيبتي بسيطة اكتبي لي شيك حلو كده وانا هبقا اروح اصرفة على مهلي هاتي هاتي
مي
اللهم طولك ياروح حاضر يا سامج
وبعدها ادته الشيك وبدأت تاني تفتكر اللي حصل زمان
#فلاش باااك
كان سامح قاعد مع نبيل وبيتكلم معاه في الوصية وقاله
نبيل
اسمع يا سامح انت تعمل اللي بقولك عليه وبس انت سامع ولا لا
سامح
ايوه طبعا يا استاذ نبيل انا سامع بس انا بقول يعني أنك كده هتظىلم المدام دي على فكرة بقا من حقها تاخد ورث فيك
نبيل
وانا مش هديها حاجة وعلى فكرة بقا انا اكتشفت انها كانت داخله على طمع هي وعمتها عشان كده مش عايز اديها حاجة
سامح
يص هو من حكم في ماله ماظىلم بس انا كنت بقول ان ده شرع ربنا وأصول وانت عايز بقا تعمل بيها كان بها مش عايز خلاص دي حاجة ترجع لك
نبيل
اعمل بس انت الوصية دةزي ما قولت لك ماشي يلا روح انت دلوقتي
ومشي سامح ومي كانت سامعه كل حاجة وقالت لنفسها
مي
اه يابن الل هو انا مش كفايه عليا اني اتجوز راجل اد ابويا كمان عايز تحرمني من الميراث ماشي يا نبيل
وبعدها اتصلت بسامح وقالت
مي
ازيك يا استاذ سامح انا مدام مي كنت عايزة اتكلم معاك في حكاية كده
ونزلت تقابلوا في كافيه وقال
سامج
والله يا مدام مي انا قولت له انك انتي لازم تورثي لكن هو مرضاش ابدا
مي
طيب وده يرضى مين بقا يا استاذ سامح ده حتى ربنا ميرضاش بالظىلم ده
سامح
انا قولت له كده بس هو مسمعش الكلام الصراحة
مي عملت نفسها بتعيط وقالت
ماهو عشان انا واحده ست ومليش حد ليه حق يعمل فيا كده ااه ماهو انا مكسورة الجناح
سامج
انا اسف جدا كان نفسي اساعدك
مي
طيب ما انت هتساعدني لما تسمع اللي انا جايه لك فيه يا استاذ سامح انا عايزة كل املاكة تبقا في أيدي وانت هيبقا ليك نصيب
سامح
انتي بتقولي ايه يا مدام مي انتي عايزاني احون الراجل اللي بشتغل معاه
مي
الفلوس هي اللي هتخليك تعمل اي حاجه
