حماتى

_ان شاء الله يا مرات الغالي، طارق جاي ورايا من الشغل علي طول جهزو الغدا لحد ما اروح اغير هدومي واجيب مي من فووق واجي..

قال كلامه وسابهم وطلع فوق واول ما دخل شقته كانت مي نايه فقرب منها وقعدت جنبيها علي السرير وقال

-مي قومي يا حبيبتي طمنيني عليكي عامله ايه دلوقتي

= الحمد لله يا حبيبي كويسه حمد لله علي سلامتك هنزل عشاان اجهز الاكل معاهم وانت غير هدومك وتعالي ورايا

-لا وايه اللي ينزلك هخليهم يطلعو الاكل هنا يا مي

= ما بلاش يا مراد عشان ماما ما تزعلش اني ما نزلتش والنهارده اليوم عليا في الطبيخ

– لو امي هتزعل كانت خلتك نزلتي من اول اليوم عشان تعملي الاكل لكن هي ومني عملو كل حاجه وسابوكي مرتاحه اهو

= انت مين اللي قالك الكلام ده ؟

– هما تحت قابلوني وانا وجاي وقالولي انهم سابوكي نايمه عشان كنتي تعبااانه اول ما نزلتي ، هخليهم يجيبو الاكل هنا وبعد الاكل هاخدك ونروح لدكتور انا حجزت عنده منه نطمن عليكي ونعرف اذا كان حمل او لا

=انت مش هتزعل يا حبيبي لو ما كانش حمل مش كده

– يا مي دي حاجه بتاعت ربنا وانا مش عايز من الدنيا غير انك تبقي جنبي ، انتي حب عمري كله والله ربنا كرمنا وبقي عندنا عيال هبقي اسعد واحد لانهم منك وما اكرمنااش اكيد هو ليه حكمه في كده فاحنا نصبر ونقول الحمد لله وكفايه علي بعض انا وانتي

= ربنا يخليك ليا يا مراد وانا عشان طيبتك وحبك ليا ده مستعده اتحمل اي حاجه عشااانك

وفعلا اتعشو سوا واخدها وراحو للدكتور واول ما رجعو البيت كان قااعد طارق اخوه ومراته وامه مع بعض ، فدخل عندهم مراد وقال وهو مبسوووط

-باركولنا يا جماااعه مي حامل

فرحت مامته واخوه ومني وشها اتغير وبان عليها الزعل جدا وقالت ام مراد بسعاده كبيره

-واخيرا ده الواحد خلاص كان قال انك مش وش خلفه يا مي

= ليه بس كده يا ماما ربنا كبير واكرمني الحمد لله

-تجيبلنا الولد بقي شبعنا بنات من خلفة مني وطارق

= اللي يجيبه ربنا كله كويس معلش بس انا هطلع ارتاح عشاان الدكتور قال الكام يووم دول ارتاااح فيهم

– ومالو يا حبيبتي انتي ترتاحي واللي عايزاااه يجي لحد عندك ولحد ما تخلفي الولد احنا كلنا تحت امرك

واخد مراد مي وطلعو شقتهم وهما مبسوطين جدا ، وبصت ام مراااد لمني بحده وقالتلها

– اااه منك انتي عارفه لو كان البنت جرالها حاجه هي ولا اللي في بطنها النهارده ورحمة الغاليين لكنت خليتك تباتي في بيت اهلك الليله

=الله ومالها مني يا اما بالموضوع جه هي كانت عملت حاجه ما انتي بتقولي انها شالت البيت كله علي كتافها النهارده

– هي عارفه كويس انا افقصد ايه وعلي فكره مي هي اللي طبخت النهارده ومراتك ما قصرتش معاها خلتها روقت البيت كله كمان البت عياانه لوحدها وحامل جديد

* بقولك ايه يا حماتي انتي لو ما كانش عاجبك بهدلتها النهارده وتعبها ما كنتيش رضيتي باللي عملته واللي انتي عملتيه معايا ، انا طالعه عند بناتي اللي ماليش غيرهم دلوقي

= ليه بس كده يا اما توقعيها في الغلط وفي الاخر تنكدي عليها وتنكدي عليا

وتاني يوم في بيت اهل مني كانت قاعده مع هاله اختها اللي قالتلها

– يا نهار مش فايت يعني حامل طيب وبعدين دي لو جابت الواد هتاخد مكانك في كل حاجه في البيت حماتك هتخليها هي الكل في الكل وكمان انتي وبناتك مش هيبقالك اي لازمه

= والحل دلوقتي اعمل ايه بنت الحرام دي من لما دخلت البيت وهي بتحاول تكسب الكل في صفها ده حتي جوزها عامل زي الخاتم في صباعها تقوله يمين يمين وشمال شمال

– اهو مراد ده لو كان من نصيبي انا كان البيت كله هيبقي بتاعنا وانا من البلد واولي بيه من الغريبه اللي جابها دي

= ما انا كنت مرتبه كل حاجه انه هيخلص الكليه ويجي يتقدملك ، بس المنيله علي عينها دي اللي ربنا ياخدها ناقصه عمر لافت عليه هي واهلها وبقي داخل طالع عندهم وفي الاخر خطبها هي جايه وهدفها تخلي كل حاجه بأسمهم وبعدين هناخده ويمشو من هنا وانا وجوزي وبناتي نشحت وحماتي كل حاجه بأسمها ولو البت دي جابت الواد وقتها ما حدش هيقدر يقولها علي حاجه لا

– بقولك ايه ما فيش حد. يخلصك. من الموضوع ده خالص وتىتاحي فيه غير الشيخ حسنين

=تاني هتقوليلي دجالين وكلام فااضي

_مش كلام فاضي انتي تعرفي البت صفااء بت محمد عبدالله مش كانت حماتها منكده عليها راحت للشيخ حسنين وكان الحل عنده دلوقتي جوزها اخدها وراحو سكنو في بيت لوحدهم وبقي جوزها دلوقتي يقولها حاضر ونعم وبس

=طيب مااشي انا موافق وما عنديش مشكله نروحله المهم اعمل اللي انا عايزاااه والبت دي تغور من وشي هي واللي في بطنها

_مااشي نروووح بس اعملي حسااابك في فلوس كتيره لانه بياخد كتير بس الكل بيقول انه بيجيب نتيجه للاخر..

=وده اللي انا عايزااه مش مهم اي فلوس هتصرف فيها المهم البت دي تغور من وشي وبعدها هيببقي ساهل موضوع الفلوس ده

وفعلا تاني يوم راحت مني مع هاله اختها عند. الشيخ حسنين وقالت لاختها بصوت واطي

_يعني ده بيت شكله عادي والراجل قاعد عادي لا شكله مخيف ولا حواليه بخور وحاجات غريبه زي ما بيبقي في الافلام

=ما انتي بتقولي اهو الكلام ده في الافلام انما الواقع حاجه تانيه ده راجل عادب شكله عادي يعني

*ما تقلقيش يا ام رودينا اللي انتي جيالي عشااانه هيتحل باذن الله بس انتي اتفائلي خير

_والله يا شيخ انا ما في نيتي اذي حد بس البت دي ضميرها اسوود ومطلعه عيني وناويه علي خراب بيتي واخد حقي انا وبناتي وجوزي

*واحنا ربنا جعلنا سبب نقع في طريقك انا اساعدك تخلصي من الست اللي منكده عليكي عيشتك دي وانتي تنفعيني بالمبلغ اللي اطلبه منك

_انا عينيا ليك يا شيخ اللي تطلبه انا رقبتي سداده

*بصي انا هعوز منك 20الف جينيه دلوقتي وعشرين تانيه قريب اووي اول ما اللي انتي عايزاااه يتم وترتاحي فيه

_بس مش كتير يا شبخ المبلغ ده عليا، انا برضو ست مش بشتغل وحالي علي قده يعني

*الحلق والخاتم اللي انتي شيلاهم فوق الدولاب وجوزك ما يعرفش عنهم حاجه، فلوس جوزك اللي انتي بتاخدي منها من ورا جوزك، انتي هتعرفي تدبري المبلغ يا ام رودينا، وبعدين مش عايزه انتي حره

_ااا انت عرفت الكلام ده منين يا شيخ ده انا حتي اختي ما تعرفش حاجه عن الحاجات دي

*انتي من لما دخلتي بيتي وعيني جات في عينك وانا عرفت عنك كل حاجه، وها قرري وردي عليا والفلوس اللي باخدها في الاول دي مش ليا دي لزووم العمل اللي هعمله ليكي والباقي بقي هيبقي تمن مجهودي انا

=واحنا عنينا ليك والله يا شيخ حسنين بس المهم عندنا النتيجه يلا بقي مع السلامه ان شاء الله نجيب الفلوس وهنجيلك علي طول يا شيخ

وقاامو مشيو وبالليل كانت واقفه مني في اوضتها وهي متوتره ودخل عندها طارق جوزها وقال

_مالك يا مني ما نزلتيش تتعشي معانا وقاعده في الاوضه لوحدك في ايه بالظبط

=بقولك ايه يا طارق تعالي انا عايزه منك حاجه مهمه

_خير يا مني عايزه ايع وىبنا يستر عشان طلبااتك دي بتكلفني كتير

=لا والله بس انا كانت هاله اختي مذنوووقه في قرشين كده وطبعا انت عارف انا واختي مالناااش حد غيرك انت راجلنا وهي اختك زي ما اختي ولا انا فاهمه غلط

_طبعا يا مني ده انا عينيا ليكي انتي واختك، عايزه كام قولي..

=هي كانت عايزه 20 الف جنيه وهترجعهم والله اول ما ربنا يكرمها

_مبلغ كبير زي ده في الظرووف اللي احنا فيها ظي اجيبه منين يا مني وانتي عارفه البير وغطااه

=عارفه بس انت معاك الفلوس اللي شايلهم للمحل الجديد نديها منهم

_ده انا مجمع الفلوس دي بطلوع الروووح يا مني من تعبي وشقايا عشان اشطب بيهم المحل الجديد واشتغل في ملكي لوحدي من غير ما ابقي شغال عند حد

=هي اختي هتاكلهم عليك يعني، وبعدين فك ذنقة اليتيمه دي والله هتلاقي ربنا فتحها عليك من الوسع عشاان خاطري يا طارق

_مااشي يا منه الفلوس كلها معاكي اديها اللي انتي عايزاااه، بس ما تجبيش سيره قدام امي ولا اي حد عشاان مراد كان مذنوق في قرشين ولما سألني قولتله مش معايا

=واخوك بيستلف منك انت ليه ما عنده نسايبه علي قلبهم اد كده، والنبي يسيبك في حالك ده انت غندك بنات ومصاريفهم اد كده ولسه عايزين اكتر واكتر

_انا اخوه يا مني وهو عشمان في اخوه، وبعدين ما انا قولتله مش معايا شوفي اختك هتاخد كام وشيلي الباقي يا مني

=ربنا يخليك ليا يا حبيبي يا ابو بناتي وما بحرمنيش منك ابدا يارب

وعدي يوم في التاني وراحت مني لوحدها للشيخ حسنين وبعد ما اخد منها الفلوس قالها

_قوليلي عايزه سلفتك دب يحصلها ايه

=هو انا يا شيخ حسنين اللي هقرر يحصلها ايه وما يحصلهااااش ايه

_ايوه عايزها تنزل اللي في بطنها نكد بينها وبين جوزها يكرها حماتها تغضب عليها

=ايوه هو ده انا عايزه مشكله بينها وبين حماتي ما يبقوش طايقين بعض هما الاتنين، عايزه البيت كله يكرها مش جوزها وحماتها وبس، البلد كلها لو تقدر وتغور من وشي بيتها يتخرب

_واضح انك بتحبيها اووي، علي العموم اديني نص ساعه وطلبك هيبقي جاهز العمل اللي هعمله ليكب مشرووب، تخليها تشرببه وبعدين تاخدي الكيس ده وفي قبر ابوكي وامك وتدفنيه وترجعي البيت تشربيها العمل واستني النتيجه

=تمام يا شيخ بأقصي سرعه عندك خلص ليا الموضوع ده