شافنى لوحدي فقال
اه يا بنت المچنونة قالها بعصبية ومسك ايدى إلى بتضربه بصيتله بعصبيه
انت المچنون وستين مچنون وسيب ايدى بقولك قولتها بنرفزه وبسحب ايدى منه
لاء لو سيبتها هتضربى ثانى انتى باين عليكى مجنونه
عضيت على شفايفى بغيظ ورسمت البراءه
مش هضربك هنتكلم بالعقل ذي أى اثنين كبار
ساب ايدى بشك وانا رفعت ايدى بالشنطة وعلى رأسه ثانى
تستاهل الضړب هو انت ايه يااخى لازقه
وجبله كان مالى انا والمشاكل دى كلها علشان تكمل بيك
بعد من تحت ايدى وقال بهدوء
أي المشاكل فى إلى قولته عرض عليكي عرض لا توافقى او توافقى بردو معنديش رفض قالها بسماجه وعينيه الزرقا بتبصلى بتركيز اووى نفخت بضيق لانى بضعف قدام عينيه وقعدت على الكرسى إلى ورايا لقيته سحب الكرسي الثانى وقعد جنبى
انا بهزر معاكي على فكره مبجبركيش على حاجه ياقموصه انتى
بصيتله بطفوليه عايزه اعيط علشان ضړبته وهو يعنى مش وحش للدرجة دى ده قمر اووى ووقعت فى هواه للاسف بس تهزيق المدير والتدبيسة فى مهمه مستحيلة جات فيه
بقلمي أسماء الكاشف
انت ليه حلو كده
قولتها بسرحان فى عينيه إلى كل مره بتسحبنى ذى الجنية إلى بنسمع عنها فى الحواديت
فوقت على ضحكته
للدرجة دى واقعة فيه
ابتسمت باحراج هو حس بكسوفى
انا حلو علشان عينك هى إلى شيفاني كده وعلى فكره انتى قمر
انت قليل الأدب على فكره قولتها بسرعة
ايوه كده ترجعى لطبيعتك اصل اللسان الدبش ماينفعش يبطل شويه ده يتعب لو وقف
قالها بسخرية وضحكته زادت
نفخت بغيظ
مستفز
عارف
بقلمي أسماء الكاشف
سكت وهو كمان سكت
ليه
قولتها بهدوء مستنيه رده على عرضه للزواج مستنيه الكلمة إلى بتيجى في الروايات مستنيه كلمة بحبك بس الروايات مش دايما بتتحقق في الواقع وإلى اكدلى كده كلامه إلى قهرني
انا هقولك الصدق من اولها مش هكذب عليكي واقولك انى دبت فيكي من اول ما شوفتك وعنيكى إلى ذى سحر الزيتون دى شدتني فى هواها بصيتله بغيظ فابتسم
انتى حلوه اووى يا مسك المشكلة مش فيكي ولا فيا المشكله فى الظروف بتحطنا فى مواقف ما نتحسدتش عليها انا شايف انك أكثر حد مناسب ليه وشخصيتك الشقية دى هحتاجها
مافهمتش بردو انت عايز ايه قول بسرعة من غير لف ودوران
محتاجك علشان ده شرط لجدى عايزنى أتجوز علشان الورث اقدر استلمه
اشمعنى انا إلى رسيت عليها ما كنت تشوف واحده بتحبها واتجوزها يااخى وايه إلى يخلينى مثلا اوافق على حاجه ذى دي
علشانك محتاجاني بردو
اتسعت عينى من تلميحاته
تقصد ايه
ابتسم بمكر
