شافنى لوحدي فقال

فتحت عينى پصدمة لما لقيته بيرقص مع بنت معرفهاش اوى كانت فقره لكل كابلز يرقصو سلو قومت بعصبيه عايزه أشده من شعره وأقعد فوقها واكسر عظمها بس لاء انا لازم اغيظهم ابتسملى بكيد وهو
شايفني رايحه ناحيته بس الصدمة كانت ليه لما مشيت من جنبه ذى كأنه هوا شفاف وروحت على مصطفى إلى واقف وراه
يله نرقص يا مصطفى
لا تثيري غضبى انستى فأنتي لا تعرفين من أنا وماذا فعلت لأحصل على قلبك أنا رجل الغابة ورجلك عزيزتى
شديت مصطفى من ايده من غير ما أسمع رأيه
يله نرقص يا مصطفى
محمد واقف شايط وبيطلع ڼار من عينه وشكله ناوى على شړ
_شكلك حلو يا مسك طالعه قمر فى فستان الفرح
شكرا قولتها بخجل مصطنع وراسمة الكسوف بس من جوه فرحانه اووى علشان متأكده ان محمد سامع وهو بيرقص لسه مع البنت اللزقة يستاهل هو إلى بدء اتوعدله
فرحت اووى انك جيت فرحي خۏفت تكسفنى وما تجيش
بلطف زياده عن اللزوم ودلع ماعرفهوش اصلا طلع من لساني اول مره
_ هو انا اقدر ارفض ليكي طلب سيبت اشغالى كلها وجيتلك
قالها بهيمان
ميرسى اووى يا مصطفى انت احسن واحد قابلته
عليت صوتي لما قرب محمد مننا وبيوشوش البنت إلى معاه فنفخت بغيظ منه
اتحولت الفقرة لرومانسية أكثر وكل واحد بدء يقرب من شريكة فى الرقص أكثر ولسه مصطفى
معلش هأخذ مراتي شويه
وضغط اوى على كلمة مراتي عايز يثبت ليه انه خلاص خسرني ما نكرش ان الكلمة فرحتنى ماستناش رد مصطفى وشد ذراعى جامد وجعنى بس انا ما بينتش
انت ازاى تشدنى كده وتحرجنى قدام الناس
بقى هو احسن واحد قابلتيه يامدام
قالها بهدوء مخبى وراها عصبيته وغضبه ومتجاهل زعيقى
انتى ليلة اهلك سوده معايا يا مدام مسك قالها بعصبية صراحة خۏفت بس طبعا لسانى يسكت لاء
ليه ان شاء الله عملتلك ايه انا علشان تهددنى
صورى جوازنا صورى متنساش يعنى ما يحقلكش تتحكم فيه وتهددنى فى الرايحه والجاية وكمان
وبعدين تعالى هنا انتى بتغيرى ولا ايه ياحلوه قالها بسخرية
بقلمى أسماء الكاشف
ضحكتنى لاء طبعا قال احبك قال
حسيت بعينه انطفت شويه وكأنه مستني منى حاجه مختلفة او كسرته مثلا خلصت الرقصه وسيبته
ورجعت الكوشة من ثاني شويه وجيه قعد جنبى بس المره دى شكله متغير
دى بنت عمى و اختى فى الرضاعه
بصيتله پصدمه وحسيت براحه كبيرة ماعرفش ليه فرحت يمكن علشان قلبى بدء يتعلق بيه حتى لو ما حبنيش بنجذب ليه
بتقولى ليه
_ يمكن علشان مهتم بيكي شويه قالها بسخرية بس للحظة حسيته بيقول إلى فى قلبه وبيستخدم أسلوب السخرية علشان ما يبينش مشاعره ضحكت على غبائى
مش محتاج تبرر ليه حاجه ذى ما قولت جوازنا صورى تقدر تعمل إلى عايزه ما يهمنيش قولتها بجفاء
_ بس انا يهمنى
بصيتله پصدمه وعدم فهم
_ انا يهمنى كل حاجه تخصك علشانك مراتي حتى لو صورى ولفتره قصيرة سمعتك من سمعتى وقربك من مصطفى غلط كبير وانا مقبلش بده ماردتش اعمل مشاكل علشان يوم فرحنا المفروض احسن يوم لينا ماحبتش اقلبه على نكد