بسبب اللى بيعمله جوزى فيا

انا اتكلمت معاه والله يا احمد وقلت له ان انا هرجع لاخواتي حقهم لو حصل اي حاجه لان انا مش هقبل اخد قرش حرام

احمد

خلاص اللي تشوفي انا هعمله وبعد فعلا

احمد راح وبابا كتب كل حاجه ب اسمي

وبعدها مصطفي وياسر راحوا للمحامي

المحامي

حجر ايه اللي انتم عايزين ترفعوها على ابوكم هو انت ما تعرفوش اللي حصل ولا ايه ابوكوا ما بقاش عنده اي املاك خالص وكتب كل حاجه باسم مشيره

مصطفي

انت اكيد بتهزر يا متر الكلام ده لا يستحق يكون حقيقي ازاي بابا عمل كده ده انا اروح فيهم في 60 داهيه

ياسر

استني بس يا مصطفي

انت شكلك فاهم غلط يا متر مش كده

المحامي

والله باباكم بعتنلي ليه وطلب مني ان اعمل كده وانا كنت ناوي اتكلم معاكم تحاولوا تشوفوا حل مع باباكم لان بصراحه كده عمري ما ارتحت للي اسمه احمد ده

مصطفي

الموضوع مش هيكون في عقل وهتشوف انا هعمل فيهم ايه يلا بينا وبعدها راحوا

عند بابا

ياسر

شكلك كبرت يا راجل انت وخرفت انت ازاي تعمل كده تكتب كل حاجه باسم البنت انت ليه بتعمل فينا كده

الاب

اخرس قطع لسانك ما تتكلمش معايا بالطريقه اللي انت بتتكلم بيها دي لاحسن ما تعرفش انا ممكن اعمل فيك ايه وليه انا عملت كده

مصطفي

بجد انا مش عارف انت موجود في حياتنا ليه

علشان خاطر تقرفنا بس انا عمري ما شوفت

اب بيعمل معاه عياله كده ما تغور بقي في ستين

داهيه وتريحنا منك يا اخي وبعدها مشيوا وبابا من الصذمه راح فيها

وتاني في يوم في العزا ياسر قالي

ياسر

ارتاحتي كده لما اخدتي كل حاجة من ابوكي قبل ما يروح وطبعا بقا هتقولي ان احنا ملناش حاجة عندك وانك انتي اللي مسؤلة دلوقتي ومحدش يقعد في البيت وكده صح

مشيرة

لا طبعا يا ياسر مش صح الكلام ده انتو في الأول وفي الخر انتو اخواتي وانا لا يمكن اخليكم تمشوا من هنا ده بيتكم ده وانا هفضل في بيت جوزي وصدقوني انا اصلا ناوية اني اديكم حقكم كله

مصطفى

ايوه ايوه اعمليهم علينا ياختي وهو انتي فاكرة ان اللي انتي بتقوليه ده هيدخل علينا ولا ايه بطلي الكلام ده احنا مش عبط ماشي

احمد

هو في ايه يا مصطفى مالك بتتكلم مع اختك كده ليه ياخي ماينفعش كده دي مهما ان كانت اختكم برضو ومايصحش كده

ياسر

والنبي ايه وانت بقا هتعلمنا ايه اللي يصح وايه اللي مايصحش مبقاش الا انت كمان ده انت تلاقيك اللي مطبخها معاها عشان تضحك على ابوها وتخليه يكتب لها كل حاجة كده

مشيرة

حرام عليك يا ياياسر احمد ما يعرفش حاجة ابدا زي بالظبط انا كمان مكنتش اعرف غير لما بابا قالي اخر مره كنت عنده

مصطفى

اسمعي ياحلوه انتي انتي مش احسن مننا عشان ابوكي يفضلك علينا بالشكل ده ماشي فانا مش هسكت انا ويا سر وهنرجع منك حقنا كله انتي فاهمة

وبعدها رجعت البيت انا واحمد قالي

احمد

اخواتك دول كانو عايزين ياخدوا بالجزمة انا سكت بس عشانك انتي والله يا حبيبتي برغم اني كنت زعلان ان ابوكي عمل كده فيهم بس لما شوفت اسلوبهم عرفت ان هو كان عنده حق

مشيرة

طيب وهنعمل ايه يا احمد انا عارفاهم مش هيسكتوا ابدا انت عارف انهم لو طلعوا في شرهم مش هيرحموني