1 قصة لحظات حرجه بقلم حماده هيكل صباح الخير يا بيبي صباح الفل يا روح قلبي احضرلك الفطار بسرعه لا ملوش لزوم انا متأخر ..هفطر في الطريق ليه ! دا مش هياخد ٥ دقايق ويجهز معلش نامي يا حبيبتي وارتاحي يادوب الحق انزل عشان مفيش وقت طبطب عليا ..وبعدها نزل جري حبيبي بيصعب عليا اوي نازل في البرد وكمان من غير فطار احنا عرسان جداد بقالنا ٧ شهور جواز انا مريم ٢٣ سنه ودا احمد جوزي ٢٩ سنه اتقدملي عن طريق ابن خالي رشحني ليه واتجوزنا صالونات ..هو شاب ملتزم في حياته طبعه هادي ..منظم اوي وحيد باباه ومامته اتخطبنا واتجوزنا في اقل من سنه اد ايه هو حنين وكويس اوي معايا رغم اني ساعات بكون مټعصبه وعنيده بس هو بجد بيعرف يحتويني حياتنا ماشية بشكل عادي ..عايشين في أكتوبر في منطقة هاديه فيها والعماره بتاعتنا مفيهاش الا كام شقه والباقي فاضي الشقة اللي قصادنا على طول مقفوله رغم اني اوقات بسمع منها اصوات بس بسيط معرفش مين ساكنها اصلا ..مش بهتم أوي بحاول اشغل وقتي بالقراية أو الفيس أو اني اكلم ماما ..بحس بالملل بسبب اني لوحدي على الساعه ٢ قومت اجهز الغدا قدامي ساعتين على ما احمد يوصل اكون خلصت طبخ الساعه عدت ٤ ونص وكنت جهزت بس احمد مرجعش اتصلت عليه ..لقيت موبايله مقفول قلقت لانه مش متعود يتأخر أو يقفل موبايله قولت يمكن فصل شحن والطريق زحمه فاتت ساعه ولسه مرجعش ...والقلق والتوتر زاد اكتر واقفه ف البلكونه ببص عليه في الشارع وبتصل كل ثانيه ولسه مقفول حاسه پخوف عليه والليل ليل ومش عارفه اتصرف ازاي كلمت ماما وحاولت تهديني وقالت متقلقيش زمانه على وصول والغايب حجته معاه بس كان في شعور جوايا مش مطمني ..فكرت اكلم مامته اسالها عنه يكون عدا عليهم ..بس قولت لا بلاش اقلقهم عليه ..كفايه قلقي انا عليه وعلى الساعه ٩ جرس الباب رن جريت عليه زي المجنونه وبكل لهفه وحب فتحت الباب واټصدمت أما لقيت احمد وهو دماغه مفتوحه ومربوطة بشاش وقميصه عليه ډم أحمد ايه اللي حصل رد بصوت تعبان متقلقيش يا مريم انا كويس حطيت دراعه على كتفي بسرعه ودخلته وقفلت الباب ورايا طيب تعالى ارتاح اترمى على اقرب كرسي في الصالون انا قلبي كان هيقف وكنت هتجنن من الخۏف عليك ايه اللي عمل فيك كدا هحكيلك خلصت الشغل وكنت نازل من الشركة في معادي وقفت تاكسي وركبت ..وبعد كم دقيقه التاكسي وقف وركب ست معانا كان واضح عليها الخۏف والارتباك بسرعه وحياة ابوك يا اسطى عشان الحق البنت وقالت وهي بټعيط أنه جالها تليفون ان بنتها عملت حاډثه وهي في المستشفى دلوقت وداخله العمليات ولازم حد من اهلها يكون معاها قولتلها خير باذن الله متقلقيش وقف التاكسي عند المشتفى وبعدها بتبص على الفلوس وقالت أنا اسفه شكلي من السربعه نسيت الفلوس والموبايل السواق قال ..لا الحركات دي مش عليا انا ولسه هيشد معاها وهي فضلت ټعيط فطلعت فلوس من جيبي ودفعتله أجرتها وقالت أنا متشكره اوي حضرتك ولا يهمك وربنا يطمنك عليها لسه هتنزل وقعت على وشها فنزلت عشان اقومها ولقيتها دايخه جدا ومش عارفه تمشي حاسبت السواق انا كمان وقررت اني اقف معاها لانها صعبت عليا ..من خۏفها على بنتها وأنها مش عارفه تصلب طولها وكمان لوحدها سكت شويه وهو بيحسس على دماغه مكان الچرح ثواني اجبلك مايه تشرب دخلت المطبخ وجبتله مياه وعصير وبعدها كمل وقال متشكر يا حبيبتي ...المهم دخلنا المستشفى وهناك سألنا عن بنتها في الاستقبال الموظف بص في الكشف اللي قدامه وقال اسف ..بس اسم الحالة دي مش عندنا قالت بدهشة ..يعني ايه يعني الحالة دي مش عندنا زعقت وقالت اومال انا بنتي فين قولتلها ..معلش اهدي بس لو سمحت ممكن تتأكد تاني ممكن تكون دخلت بدون بطاقة وانتوا سجلتوها بدون اسم مامتها قالت لا بنتي معاها بطاقتها وكارنية الكلية كمان الموظف راجع الكشف تاني قدامه وهز رأسه وقال زي موضحت لحضرتك مفيش الاسم دا عندنا اخدت الست وخرجنا من المكان وهي بتقول اومال بنتي راحت فين ممكن تهدي بس ..وحاولي تفتكري اسم المستشفى يمكن يكون الامر أختلط عليكي وسمعتيه بالغلط الدموع نزلت وقالت .. مش عارفه انا اول ما عرفت أن بنتي عملت حاډثه متابعة القراءة 2 قصة لحظات حرجه بقلم حماده هيكل الدنيا لفت بيا وبعدها مركزتش اوي في اسم المستشفى ومن توتري نسيت كمان الفلوس والموبايل وانا نازله فضلت ټعيط وسط الشارع اخدتها في كافيه وطلبتلها عصير عشان تهدأ وتحاول تفتكر اسم المستشفى أو العنوان حقيقي مش قادرة افتكر طيب انا عندي فكرة ..ترجعي البيت حالا دلوقت وتتصلي بالرقم اللي كلمك وتتأكدي تاني من اسم المستشفى وعنوانها ايوه صح ..متشكرة اوي يا استاذ ..هو حضرتك اسمك ايه انا احمد عاشت الاسامي يا سي احمد ربنا يخليكي ويطمنك عليها بس معلش هو ممكن سؤال اتقضل هو فين باباها أو اي حد من العيلة للأسف انا منفصلة وعايشه معاها لوحدنا وملناش حد غير ربنا ونعم بالله طيب ممكن طلب ..انا عارفه اني تقلت عليك وأخرتك اتفضلي ممكن توصل معايا لحد البيت لاني مش معايا فلوس المواصلات وكمان خاېفه يغمى عليا ..لاني عندي السكر ونسيت اخد الدوا سكت شويه وبصيت للساعه كات عدت ٥ طلعت الموبايل عشان اكلمك واطمنك لقيته فصل شحن ها ممكن ولا صعب حسيت أن الست بتستنجد بيا ولوحدها مش معاها حد فقررت اكمل جميلي للآخر معاها وياريته ما حصل سألته ليه كدا بس ايه اللي حصل بعد كدا اول ما وصلت البيت قالت أنا ساكنه هنا في الدور الرابع ممكن تطلع معايا انا دايخه وخاېفه اقع تمام بس يلا بسرعه عشان منتأخرش طلعت وطلعت المفتاح ولسه هتفتح باب شقتها أيدها اترعشت ووقع منها ..جبته من الأرض وفتحت الباب دخلت قدامي وقالت تعالى ادخل لا ميصحش حضرتك عايشه لوحدك وكمان مفيش وقت قالت مينفعش اسيبك كدة ع الباب وكمان عشان محدش يشوفك من الجيران شدتني من ايدي ودخلتني مره واحده وقفلت الباب وبقيت انا وهي لوحدنا ابتسمت ابتسامه غريبة ..مش متناسبه مع حالتها وحزنها على بنتها وقالت مالك واقف متخشب ليه كدا يا مدام في ايه ..احنا كدا هنتاخر نتأخر على ايه على بنتك ضحكت ضحكة مصطنعه وقالت ومين قالك أنه عندي بنات اصلا ساعتها بس فهمت انه في لعبة اتعملت عليا لسه هفتح الباب وأخرج لقيتها شدتني من ايدي تاني وطلعت علبة من شنطتها بسرعه ورشت منها على وشي سائل ..خلاني مش شايف قدامي وانا بحاول ادور على الباب سمعت صوت راجل بيقول خشي انتي جوه حضري المسائل ردت وقالت أوامرك وبعدها ھجم عليا رؤيتي كانت شبه معدومه بسبب الماده اللي اترشت عليا حاولت اقاومه ..دفعته من صدره لكنه لف من ورايا وكتف ايديا وذقني ع الأرض وقعت دماغي اتفتحت ..حسيت بنزول ډم على وشي وبعدها أثر الخبطة مع السائل خلوني أفقد الوعي ومحستش بحاجه رديت وانا مړعوبه يالهوي ..وبعدين حصل ايه خد نفس عميق وقال وبعدها بشويه حسيت بجردل مياه اتدلق فوق دماغي ولما فوقت لقيت الست والراجل اللي معاها قدامي انتوا مين وعاوزين مني ايه أهدى بس ومتنفعلش لسه هقوم عشان اضربه لقيت نفسي مربوط في الكرسي اللي انا عليه أهدى بس يا مستر أحمد وبلاش توتر اللي انت بتعمله دا مش هيفيدك لو انتوا عاوزين فلوس فانا معايا الفين جنيه في جيبي وخدوا كمان الموبايل يعمل ٧ آلاف جنيه انا لسه جايبه قريب ما احنا خدناهم فعلا ..بس مش دا المطلوب الله ينور عليك ..اخيرا فهمت نبيه اوي طلع الراجل حقنه وقال أوعى تخاف هي شكة دبوس وبعدها مش هتحس بحاجه بس الأول عاوزين نعرف انت عندك املاك اطيان عقارات !! ليه يعني ممكن تفدي نفسك بيهم فكرت شويه وحاولت اكذب الست قالت دا شكله على الله حكايته بلعت ريقي وانا بقول انا ممكن اتصرف واجبلكم مبلغ كويس مبلغ كويس ..اممم في حدود كام يعني مش عارف بالظبط لا دا كدا احنا بنضيع وقت قرب مني الراجل ولسه هيشكني بالابره كنت عرفت أفلت ايدي من الحبل وهجمت عليه ..من الصدمه ارتبك الحقنه وقعت منه مسكتها بسرعه ولسه هيوطي بجيبها اخدتها من الأرض قبله و حقنته بيها بسرعه في رقبته..صړخ ووقع ع الأرض والست لسه هتقرب مني خبطتها بدماغي وفكيت بسرعه الحبل من حولين رجليا واتصلت بالشرطة .. وبعدين حصل ايه اتعملهم محضر ..والظابط بعت معايا بوكس وصلني لحد البيت وجيت جري عشان اطمنك انا مصدومه من اللي حصل هو جرا ايه في الدنيا لا حول ولا قوة الا بالله..الناس مبقاش في قلوبها رحمه الحمدلله أن ربنا نجاك يا حبيبي ورجعت بيتك بالسلامه وقال الحمدلله ..ربنا كبير ولطيف ورحيم تمت حماده هيكل
